دين محمد بروهي: فوٽ بال جي مشهور رانديگر دين محمد ولد خان محمد بروهيءَ، پهرين اپريل 1952ع تي جيڪب آباد ۾ جنم ورتو. جيڪب آباد مان مئٽرڪ ڪري نيشنل بئنڪ ۾ ڪلارڪ ٿيو. نوڪريءَ ملڻ بعد به تعليم جو مرحلو جاري رکيائين. سنڌ يونيورسٽي ڄامشوري مان ايم. اي ڪيائين ۽ ترقي ڪري نيشنل بئنڪ ۾ آفيسر مقرر ٿيو، جتان 1998ع ۾ رٽائر ٿيو.
فوٽ بال راند جو کيس ننڍپڻ کان شوق هو، 1965ع ۾ تيرهن سالن جي عمر ۾ اسڪول سطح تي کيڏڻ شروع ڪيائين. 1968ع ۾ پاڪستان جي وڏين ٽيمن ۾ شامل ٿيو ۽ لاهور جي چيمپيئن شپ ۾ حصو ورتائين. 1973ع ۾ پاڪستان يوٿ ٽيم ۾ چونڊجي ويو ۽ ايشين گيمز لاءِ ايران لاءِ چونڊيو ويو. 1975ع ۾ پاڪستان ۽ چائنا جي مقابلي واري ٽيم ۾ شامل ٿي چين ويو. 1971ع- 1972ع ڌاري پاڪستان پاران افغانستان ميچ کيڏڻ ويو. 1988ع ۾ آل پاڪستان ٽيم جي فرسٽ ڪلاس فوٽبالر جي حيثيت سان رٽائر ٿيو. کيس فوٽبال جي بهترين رانديگر جي حيثيت ۾ ڪيترائي اوارڊ، شيلڊون ۽ روڪ انعام مليا. هي هن وقت هڪ فوٽ بال ٽيم جو ڪوچ آهي ۽ جيڪب آباد ۾ رهي ٿو.
1952.04.01 عيسوي
فوٽ بال جي مشهور رانديگر دين محمد ولد خان محمد بروهيءَ، پهرين اپريل 1952ع تي جيڪب آباد ۾ جنم ورتو.